Wednesday 7 March 2012

இன்றைய செயற்திட்டம்!!


'ப்ரொஜெக்ட்' தமிழில் எப்படி எழுதுவது!! கர்ர்..
வேறு ஏதாவது நல்ல வார்த்தை இருக்கக் கூடும்.

பாடசாலை மின்னஞ்சலில் வந்தது ஒரு செய்தி... 'Snow White நாடகத்திற்காக ஆடை தயாரிப்பில் உதவ ஆட்கள் தேவை,' என்று. இதுபோல் பதினைந்து இருந்தன; செடி கொடிகளாம். கீழே கிழித்து விட்டிருப்பது வேர்கள்.
இழுபடக் கூடிய துணியில் தைத்திருந்தார்கள். கைகள் நீளமாக... எந்த அளவு மாணவர்களும் அணியக் கூடிய விதமாக... சிறிதாக்க, உருட்டி விட்டால் போதும்.

பதினைந்து ப்ளாத்திக்கு கொடித் துண்டங்கள்... சிலவற்றில் மிளகாய். மிளகாய் கொடியில் காய்த்து பார்த்திருக்கிறீர்களா யாராவது!! ம்.. சிலவற்றில் ஸ்ட்ராபெர்ரி பழங்கள், சிலவற்றில் பேரிக்காய்கள். ஒன்றில் மட்டும் தோடம்பழங்கள். அனைத்தும் கொடியில்!! வைத்திருந்தார்கள்.

பாடசாலையில் இடைவேளைகளின்போதே நான்கு தைத்துக் கொடுத்துவிட்டேன். வீட்டிற்குக் கொண்டு வந்தவை இரண்டு. அதில் ஒன்று இது... உங்கள் பார்வைக்கு.