இலவச இணைப்புகள்

புதிய இணைப்புகள் பற்றிச் சொன்னேனே. இவர்கள் தான் அவர்கள்.

என்ன! படத்தைப் பார்த்ததும் Ahhh!! my!! என்று வாயில் விரல் வைக்கத் தோன்றுகிறதா!! ;)

முன்னால் முகத்தைக் காட்டுபவர் எங்கள் பழைய குட்டியர் தான். இப்போ அடையாளம் தெரிந்து கொள்வதற்காக Alfie (Alfred Pennyworth) எனப் பெயரிடப் பட்டிருக்கிறார். இவர் 2 வருடங்களும் 8 மாதங்களும் வயதானவர். இவர்தான் இருக்கும் எல்லோரிலும் அழகானவர்.

பக்கத்தில் வாலைக் காட்டி இருப்பவர் 8 வயது Meryl.

இவர்களோடு கோபித்துக் கொண்டு தனியே இருப்பவர் 6 வயது Arney (Arnold Schwarzenegger)

அல்ஃபிக்கு புது வரவுகள் பற்றி நல்ல அபிப்பிராயம் இல்லை. முதல் நாளே மெரில் வலது பின்னங் காலில் ஒரு கவ்வு. சவ்வு கிழிந்து ரத்தம் வந்தது. இத்தனை நாள் அனுபவித்த சுகத்தில் பங்கு போட ஆட்கள் வந்தால் சும்மா விடலாகுமா! 

பழைய ஃபில்டர் மரித்துப் போயிற்று. புதிது தேடுகையில் ஒன்று வாங்கினால் இரண்டு ஆமை இலவசம் ;) என்று விளம்பரம் கண்டதில் இவர்கள் வந்து இணைந்து இருக்கிறார்கள்.