பிரியாவிடை வாழ்த்து

பாடசாலையில் தோழி ஒருவர் நாடு மாறிப் போக இருக்கிறார். 4ம் திகதி பிரியாவிடை இடம்பெற்றது.

என்னிடம், ஒரு பூக்கூடை வாழ்த்து இதழ்தான் கேட்டார்கள். 

பிரியாவிடைக்குப் பொருத்தமாக வேறு யோசனை தோன்றிற்று. புத்தக அடையாளம் ஒன்றிலிருந்து இலச்சினையை வெட்டி எடுத்தேன். பாடசாலையின் நிறம் - நீலம், நீலம், சிவப்பு. அட்டைகள் தேடி, கிடைத்ததும் அலங்காரக் கத்தரிக்கோலினால் ஒரே சரிவு வர வெட்டினேன். ஒன்றன் மேல் ஒன்று வைத்து ஒட்டியபின் ஓரங்களை வீட்டில் சீர் செய்தேன். (வெள்ளை அட்டையும் நிற அட்டைகள் போலவே கோடுகள் அமையப் பெற்றிருக்கிறது. படத்தில் தெரியவில்லை.) கரைகளை ஒட்டியானதும் இலச்சினைக்கு முப்பரிமானத் தோற்றம் கொடுக்க ஸ்டிக்கர்கள் கொண்டு ஒட்டினேன். 

மீதியாகிப் போன நிற அட்டைகளிலிருந்து பூக்கள் வெட்டி ஒட்டியிருக்கிறேன்.

உள்ளே 4 பக்கங்கள் கிடைக்கும் விதமாக வெள்ளைத் தாள்கள் - ஓரங்களை அதே அலங்காரக் கத்தரிக்கோலினால் வெட்டிச் சேர்த்தேன்.

பாடசாலையில், இதே விதமாக இன்னும் சிலது செய்து கொடுக்குமாறு கேட்டிருக்கிறார்கள்.