மலை பாம்பும் எழும்பூரும்

எங்க, ஒருக்கா இந்தப் பலகையில இருக்கிற தடிச்ச எழுத்துச் சொல்லக் கவனமா வாசியுங்க பாப்பம்!

அப்பிடி இல்ல, அப்பிடி இல்ல. ;))
கடகடவெண்டு ரெண்டு மூண்டு தரம் வாசிக்கவேணும். ;)

என்ன!! உங்களை அறியாமல் நடுவில ஒரு "ப்" போட்டீங்களா, இல்லையா? ;))

மாமல்லபுரம் போற வழியில முதலைப் பண்ணைக்குள்ள உள்ளிட்டம். இவருக்குப் பக்கத்தில இருந்த பாம்பார் இலங்கையராம். இவர் மலை பாம்பு. மலையில இல்லாட்டிலும் ஒரு குட்டிப் பாறையிலயாவது இருந்தார். பளபள எண்டு வடிவான சட்டை போட்டு இருந்தார்.

அதை விடுங்க, ஒருக்கா அதில எழுதி இருக்கிறதத் தட்டிப் பார்க்கப் போறன், என்னோட சேர்ந்து வாசிக்கிறீங்களா நீங்களும். ஒரு எழுத்தும் கூட்டாமல் குறைக்காமல் வாசிக்க வேணும்.

ஆயத்தமா!! ;)))
~~~~~~~~~~~~~~~~~~~~~~~~~~~~~~~~~~~~~
மலை பாம்பு.

இவ்வகை பாம்புகள் இந்தியா முழுவதும் பசுமை காடுகளில் காணப்படுகிறது. நரி, பறவைகள், காட்டுப்பன்றி இதன் உணவாகும். 100 முட்டைகள் வரை இடும். 9 அடி முதல் 10 அடி வரை வளரக்கூடியது.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

எனக்கு இந்தத் தமிழ் விளங்கேல்ல!! சந்தேகமாக் கிடக்கு. மலை பாம்பும், பசுமை காடும் சரியெண்டால்... காட்டு பன்றியும், வளர கூடியதும் தானே சரியா வரும்!!

அதை விடுங்க. என்ட கணனியில எப்பிடித் தட்டினாலும் அந்தப் பலகையில இருக்கிற மாதிரி ஸ்டைலான 'ழு' எழுத வராதாம். 'ழ' வையும் 'ழு' வையும் கலக்கி விட்ட மாதிரி ஒரு எழுத்தாக் கிடக்கு. ;( 

இங்க மட்டும் இல்ல... ஒருநாள் 'எக்மோர்' போவம் எண்டு வெளிக்கிட்டம். 'திருகோணமலை' வெள்ளைகளால 'ட்ரிங்கொமலீ' ஆன மாதிரி 'எழும்பூர்', 'எக்மோர்' ஆகீட்டுது எண்டது ஒருவரும் சொல்லாமலே விளங்கீட்டுது.

அங்க முதல் என்ட கண்ணில பட்ட ஒரு கடைல இருந்த பெயர்ப் பலகையை வாசிச்சு... "எழும்பூருக்கு எப்பிடி..." நான் முடிக்கக் கூட இல்ல; கூட வந்த எங்கட குட்டி ஃப்ரென்ட் பீட்டர், என்ன கேக்க வெளிக்கிடுறன் எண்டு விளங்கிப் போய் "டீச்சர்!!!!! ஆரம்பிச்சுட்டீங்களா!! முடீ..யல," எண்டவும் வாயை இறுக்கி மூடிக்கொண்டு இருந்தாச்சுது. 

உங்களிட்டயாவது கேப்பம். இந்த 'ழு' வை யார் கண்டுபிடிச்சு இருப்பாங்கள்!!! எந்த font ல தட்டினால் இப்பிடி வரும்!!! அகராதி பிடிச்ச ஒரு எழுத்தாக் கிடக்கு. ;( அகராதியிலயும் தேடிப் பார்த்திட்டன், காணேல்ல. ;((