ஒரு 'டிஷ் வாஷர்'

இப்போ கொடும் கோடை இங்கு. அநேகமான சமயங்களில் பாத்திரம் கழுவும் இடத்தில் முகத்தில் வெயில் அறைகிறது.

மகன் எத்தனையோ தடவை கேட்டு விட்டார், 'ஏன் இப்படிக் கஷ்டப்பட வேண்டும், ஒரு 'டிஷ் வாஷர்' (இது 'பாவா வாஷர்' மாதிரி இல்லை, வேறு) வாங்கலாமே!' என்று. எனக்கு பிடித்தமாக இல்லை. காரணம்... முழுவதாக இல்லாவிட்டாலும் நான் ஒரு தாவரபட்சணி. :)

'நானே சிறந்த டிஷ்வாஷர்' என்று நம்புபவள் நான். முதலில் நீர் அருந்தப் பயன்படுத்துபவை, அடுத்து பானங்கள் அருந்துவதற்கானவை, பின்னால் மரக்கறிப் பாத்திரங்கள், கடைசியாக மாமிசம் வைத்திருந்த பாத்திரங்கள், தொட்டி,  இறுதியாக தேய்க்க உபயோகித்த 'ஸ்பான்ச்'.

டிஷ் வாஷர் இந்த ஒழுங்கில் கழுவுமா!!!

டிஷ் வாஷிங் லிக்விட் வரும் போத்தல் பெரிதாக இருக்கிறது கவிழ்த்தால் தேவைக்கதிகம் ஊற்றி விடுகிறது. இது ஆரோக்கியத்துக்கும் கேடு, சேமிப்புக்கும் கேடு என்று....

இந்த ஏற்பாடு

ஒரு வெற்று ஹான்ட்வாஷ் போத்தலில் நிரப்பிவிட்டால் மூடியைத் திருக வேண்டாம். அளவுக்கு அழுத்தி எடுத்துக் கொள்ளலாம். 

கவனத்தில் கொள்ள வேண்டிய ஒரே ஒரு விடயம் - வெயில் படும்படி வைத்தால் வீணாக வெளியேறிவிடும்.

வேலையிலும் இந்த முறையை அறிமுகப்படுத்தினேன். தோழிகள் பாராட்டினர், சிலர் பின்பற்றுகிறார்கள். சமையல் எண்ணையைக் கூட இப்படி எடுத்து வைத்து உபயோகிக்கலாம்.

உங்களுக்கும் உதவக் கூடும். பிடிக்காவிட்டால் விட்டு விடுங்கள். :)