3 மூன்று three

அன்புக்கு நான் அடிமை ;) என்னை இத் தொடர்பதிவு எழுத அழைத்த !!! க்கு மிக்க நன்றி. ;)

நேரடியாகவே  கேள்விகளுக்குப் போகிறேன்.

 

1) நீங்கள்  விரும்பும் மூன்று விஷயங்கள்?          
1. கைவினை

2. ஹார்மோனிகா

3. வண்ணத்துப்பூச்சி & வண்ணத்துப்பூச்சி மனதுள்ளவர்கள்

2) நீங்கள் விரும்பாத மூன்று விஷயங்கள்?
1.  உணவுத் தட்டில்... பறவைகள், விலங்குகள்.

2. ஒருவர் பற்றி இன்னொருவரிடம் பேசுவது

3. என் இயல்பை மற்றவர்களுக்காக மாற்றிக் கொள்வது

3) பயப்படும் மூன்று விஷயங்கள்
1. புகை & செயற்கை வாசனைகள்

2. என் கட்டுப்பாட்டில் நான் இல்லாத தருணங்கள்

3.  இணையப் பயன்பாட்டினால் ஏற்படக் கூடிய எதிர்பாராத ஆபத்துக்கள்

4) உங்களுக்கு புரியாத மூன்று விஷயங்கள்?
1. எம் எண்ணங்களை நாம் ஏன் மற்றவர்களில் திணிக்க விரும்புகிறோம் என்பது

2. எப்படி எம்மால் மற்றவர்களைச் சுலபமாக விமர்சிக்க முடிகிறது என்பது

3. நான் தட்டும் இந்த வரி... ஒரு கடதாசி இல்லாது, மையில்லாது வான்வழி வந்து உங்களிடம் உடனே சேர்வது... அதை நான் அழிக்கக் கூடியதாகவோ மாற்றக் கூடியதாகவோ இருப்பது. ம்.. இந்த இணையம் தொடர்பான அனைத்துமே என்னைப் பிரமிக்க வைக்கின்றன.

5) உங்கள் மேஜையில் உள்ள மூன்று பொருட்கள்?
எனக்கென்று ஒன்று கிடையாது. பொது அறை மேசையில் இந்த நிமிடம் உள்ளவை.. 

1.  இஸ்திரிப் பெட்டியும் அதற்கான கம்பளியும் 
2.   ப்ளேஸ் மாட்கள் (place mats) 
3.   ஆப்பிள், வாழைப்பழம், கீவி, மான்டரின் கொண்ட இரண்டடுக்குப் பழத்தட்டு

6) உங்களை சிரிக்க வைக்கும் மூன்று விஷயம் or மனிதர்கள்?

1. தமிழில் எழுத்துப் பிழைகள் - எனக்குச் சிறு வயது முதலே 'ழ ள' பிரச்சினை இருந்திருக்கிறது. சமயத்தில் 'னு நு' கூட யோசித்துப் பார்த்து எழுதுவேன். எழுத்தென்றல்ல, எதிலும் ஒரே மாதிரி இரண்டு இருந்தால் சந்தேகம் வரும்; இதுவா அதுவா என்று. ஆனால்... இவை மட்டும் தான். வேறு எழுத்துப் பிழைகள் வருவது குறைவு. தட்டச்சில் சில சமயம் வருகிறது. ;(( தூக்கக் கலக்கத்தில் அல்லது சுவாரசியம் எல்லை மீறிப் போகையில் இப்படி ஆகிறது. பொறுமையாக் தட்ட வேண்டும் என்று நினைப்பேன். ‘என் பக்கம்’ போனால் அது முடிவதில்லை. ;) எப்போவாவது பிழையாகத் தட்டி இருந்தால் நானே திரும்பக் கண்டுபிடித்துவிடுவேன். படிக்கும் போதே சிரிப்பு வரும். முடிந்தால் மாற்றுவேன். அல்லது கீழே ஒரு குறிப்பாகச் சொல்லி விட்டுப் போவேன்.

ஆனால் சோயாமீட் கிழங்குப் பிரட்டலுக்கு "கரித்தூள்தான் போட வேணுமா?" என்பது போல் எழுதி இருந்தால் எப்படி சிரிக்காமல் இருப்பது? ;)) 

சமையற் குறிப்பு எழுதுகிற போது உளுந்தை, கடலையை ஊரவைக்கும்படி சொல்வார்கள் சிலர். ஒரு நொடி கண்ணை மூடி ஊர வைத்துப் பார்ப்பேன். நீங்களும் முயற்சித்துப் பாருங்களேன், சிரிப்பாக வரும். ;)

 2. அதிரா

 3. மொழி (திரைப்படம்)

7)தாங்கள் தற்போது செய்து கொண்டு  இருக்கும் மூன்று காரியங்கள்? 
1. கேக் ட்ரே (கைவினை) – செய்து முடித்து அறுசுவையில் வெளியானதும் வழக்கம்போல் இமாவின் உலகில் செய்முறைக்கான தொடர்பு கொடுக்கப் படும்.
2. ஜன்னல்களுக்கு திரைச்சீலை - லேஸ் துணி வாங்கி வைத்திருந்தேன்.  இப்போ பாடசாலை விடுமுறை; பயன்படுத்திக் கொள்கிறேன். முன்பு இருந்தது கெட்டுப் போக ஆரம்பித்து விட்டது.
3. கிடைக்கிற நேரத்தில் சமையலறையில் ஒவ்வொரு அலமாரியாகச் சுத்தம் செய்கிறேன்.

8) வாழ் நாள் முடிவதற்குள் செய்ய நினைக்கும் மூன்று காரியங்கள்?

1. சேர்த்து வைத்திருக்கும் குப்பைகள் அனைத்தையும் கைவினையாக்கி ரசித்து முடித்து வீட்டிலிருந்து அப்புறப்படுத்த வேண்டும்.

என் மாமியார் மரணத்தின் பின் அவர் மகள் மிகவும் சிரமப்பட்டார். ஒவ்வொரு பொருளும் ஒரு நினைவைக் கொண்டுவர... வைக்கவும் முடியாமல் வீசவும் முடியாமல்... ;( நேரம் வேறு நிறைய எடுத்தது. யாரும் என்னை மனதிற்குள் திட்டாமல் இருக்கவேண்டும் அல்லவா? அதனால், போகும் முன் என் இடத்தைச் சுத்தமாக விட்டுச் செல்ல விரும்புகிறேன். 

2. வீட்டின் மேல் உள்ள மோட்கேஜைக் கட்டி முடித்தால் நல்லது. இல்லாவிட்டாலும் என்ன! வங்கி விற்று எடுத்துக் கொள்ளும். ஆனால் பிள்ளைகளுக்கு எந்தக் கவலையும் விட்டுப் போக விருப்பமில்லை.

3. என் மேல் பிரியமான, நான் என் பிள்ளைகளாக நினைக்கும் இணைய உறவுகள் சிலர் இருக்கிறார்கள். பேசி இருக்கிறேன்; புகைப்படத்தில் மட்டுமே பார்த்திருக்கிறேன். அவர்களை ஒரு முறையேனும் நேரில் சந்திக்க வேண்டும்.

9) உங்களால் செய்து முடிக்கக் கூடிய மூன்று விஷயங்கள்?
கேள்வி இன்னும் தெளிவாக இருந்திருக்கலாமோ! இன்றா? ஒரு மணி நேரத்திலா? இறப்பின் முன்பா!!! இல்லை... எது இயலும் என்பதா?? எது கேள்வி! இப்படி யோசித்ததே இல்லை. 
1.      எந்தக் குப்பையையும் அழகான பொருளாக மாற்றுவது 
2.      இந்தத் தொடரை எழுதி முடிப்பது 
3.      கடைசி வரை செபாவுக்கு நல்ல மகளாக இருப்பது

10) கேட்க விரும்பாத மூன்று விஷயங்கள்?

(காதினாலா வாயினாலா?) 

1.  கடன் இது அடியோடு பிடிக்காது. ஆனால் இங்கு உள்ள அனைவரையும் போல் என் வீடும் மோட்கேஜில் தான் இருக்கிறது. ;( எதுவும் இரவல் கேட்கப் பிடிக்காது.

2. என்னை யாரும் திட்டுவது (கேட்டதில்லை இதுவரை)

3.  சில சொற்கள் காதில் விழுந்தாலே பிடிப்பதில்லை. ;(( எப்படித்தான் சங்கடமில்லாமல் உச்சரிக்கிறார்களோ என்று தோன்றும்.

11) கற்றுக் கொள்ள விரும்பும் மூன்று விஷயங்கள்? 
1. சங்கீதம் (பாடசாலையில் கற்றதன் பின் கிடைக்கவில்லை சந்தர்ப்பம்) 
2.   நடனம் 
3.   நீச்சல்

12) பிடித்த மூன்று உணவு வகை?

(மூன்று போதுமா! ;) )

1. ஆஸ்மி

2. புல்டோ - இன்னும் ‘அங்கே' குறிப்புக் கிடைக்கவில்லை. ;( யாராவது கண்டுபிடித்துத் தந்தால் நல்லது. 

3. தொதோல் - எங்கள் மரத்துத் தேங்காயில் பாலெடுத்து... பெரிய அடுப்பு வைத்து க்றிஸ்ஸும் என் மாமியும் சேர்ந்து ஒரு திருவிழாப்போல் தொதோல் கிண்டுவார்கள். அதன் சுவை... சுவைத்ததில்லை வேறு எங்கும்.

  
13) அடிக்கடி முணுமுணுக்கும் மூன்று பாடல்கள்? 
அடிக்கடி மாறும் இது. சமீபத்தில் மனதில் இசைப்பவை தெய்வத்திருமகள் திரைப்படப் பாடல்களான
1. கதை சொல்லப் போறேன்
2. பபபா பாபா பாபா 
3. -------------

14) பிடித்த மூன்று படங்கள்? 
1. தெய்வத்திருமகள்
2. மொழி
3.  அபியும் நானும்

15) இது இல்லாமல் வாழ முடியாது என்று சொல்லும்படியான மூன்று விஷயம்?
  1. க்றிஸ்  - க்றிஸ்ஸின் இடத்தில் செபா வேறு யாரை எனக்காகத் தெரிந்திருந்தாலும் இன்று இந்தப் பதில் சொல்ல இமா உயிரோடு இருந்திருக்க மாட்டேன் என்பேன். எனக்குக் கிடத்த வரம் அவர்.

  2. புன்னகை – இதுவும் இறைவன் கொடுத்த வரம்தான். ;)

  3. வென்டலின் – இது கையில் இல்லாமல் எங்கும் போக மாட்டேன். எனக்காக  கண்டுபிடிக்கப்பட்ட வரப்பிரசாதம். ;)