மருதாணி... மறுத்தாய் நீ

29 / 07 / 2011 - வெள்ளிக்கிழமை
பகல் தனிமையாக இருந்தது. மகியின் வெளியில் (ஸ்பேஸ்!!)  களைகட்டிக் கொண்டிருந்த 'ஸ்டஃப்ட் இட்லி' விநியோகக் கலகலப்பில் நானும் சந்தோஷமாக இணைந்து கொண்டு திரும்பினேன். (விரும்பினால் இங்கு போய்ப் பாருங்கள்.)

விடுமுறைக்குள் ஒருமுறை குளிர்சாதனப் பெட்டியை முழுவதுமாகச் சுத்தம் செய்து விட நினைத்திருந்தேன்.
இன்று அதன் அடி ஆளத்தில் குறையாக இருந்த, 'ஸ்வீட் சில்லி...' என்னவோ ஒன்று (மூத்தவர் இப்படி எழுதி ஒரு சிவப்புத் திரவம் கொஞ்சம் ஒரு பழைய மாமைட் போத்தலில் வைத்திருந்தார்.)  அகப்பட்டது. வீசி விட்டேன், புதிதாகச் செய்துகொள்ளட்டும்.

கொஞ்சம் 'காட்டேஜ் சீஸ்', கொஞ்சம் தக்காளி பேஸ்ட், கொஞ்சம் வெஜிமைட் என்று அடிப் போத்தல்களில் இருந்தன. கடைசி ஒரு தண்டு செலரி, இரண்டு 'கார்லிக் ஸ்டிக்ஸ்', ஒரு துண்டு கோவா (cabbage) அகப்பட்டது. எல்லாவற்றையும் என் மதிய உணவோடு சேர்த்து முடித்துவிட்டேன். ஒரு 'ஸ்டர் ஃப்ரை' போட்டேன். அதில் இதெல்லாம் சேர்ந்து உள்ளே போய்விட்டது. ;)

ஃபிரிஜ் சுத்தம் செய்தாயிற்று.
செபாவின் கேக் இன்னும் மூன்று துண்டுகள் மீதி இருக்கின்றன; வைத்திருந்து அடுத்த திருமணநாள் அன்று சாப்பிடலாம்.

என் மருதாணிப் பெட்டியில் (இதுவும் குளிர்சாதனப் பெட்டியில் தான் இருக்கும்.) மீதம் இருந்த கோன் இரண்டையும் எடுத்து கை போன போக்கில் வைத்திருக்கிறேன்.
வலது கை ஒத்துழைக்க மறுத்தது. ;( இன்னும் வலி இருக்கிறது. கோன் பிடிக்க இயலவில்லை. ஆரம்பித்துவிட்டேனே, முடிக்காவிட்டால் எப்படி என்று ஒரு அரைகுறை வேலையாக முடித்து விட்டேன். ;(

உங்கள் விமர்சனத்துக்காக இங்கு...