என் பொருள்தான் எனக்கு மட்டும்தான்!

ஆசியா தனது என் பொருள்தான் எனக்கு மட்டும்தான்  இடுகையின் கீழ் என் கருத்துக்குப் பதிலளிக்கையில் என்னையும் பின்தொடருமாறு கேட்டிருந்தார்கள்.

மகியும் தன்

தொடர்பதிவு, என் பொருட்கள்...

இடுகையில் தொடர அழைப்பு வைத்திருந்தார்.

பகிர்வதற்கு சில பொருட்கள் உள்ளன. முதலில்... இது.

செபாவிடம் ஒரு Japanese coffee set முழுமையாக இருந்திருக்கிறது. சாதாரண tea cups போல இல்லாமல் அவற்றின் பாதி அளவுதான் கொள்ளும்.

நான் பிறந்த வருடம் என் தந்தை சகோதரர்களில் மூவருக்கு குழந்தைகள் கிடைக்க, அப்பா ஒவ்வொருவருக்கும் ஒரு கப் & சாஸர் கொடுத்திருக்கிறார். மீதி இரண்டுக்கு என்ன ஆயிற்று என்று செபாவுக்கும் நினைவில் இல்லை. வேறு யாருக்காவது கொடுபட்டிருக்க வேண்டும். இது என்னுடையது. தேய்மானத்தைப் பாருங்கள். ;)

சென்ற தடவை ஊருக்குப் போயிருந்த போது coffee mug, sugar cup, milk jug எல்லாவற்றையும் எடுத்துவரத்தான் நினைத்தேன். நாத்தனாருக்கென்று கொடுத்துவிட்டு ஒவ்வொரு தடவையும் போய் எதையாவது சுருட்டிக் கொண்டு வந்துவிடுவது என்னவோ போல் இருக்க கேட்காமல் வந்துவிட்டேன். ;)

சாதாரணமாக chip இருந்தால் அந்தக் கோப்பையைத் தூக்கிப் போட்டுவிடுவேன்.

இது மட்டும் என்னிடம் இருக்கிறது. எப்போதாவது ஆசைக்கு வெளியே எடுப்பேன். இன்று உங்களுக்காக வெளியே வந்திருக்கிறது.

 

உள்ளே... கவிசிவாவின் 'கருப்பட்டி காபி'.

காஃபியைப் பார்வையால் மட்டும் அருந்துங்கள். கோப்பை... அது என் பொருள்; எனக்கு மட்டும்தான். ;) 

~~~~

நாங்கள் நால்வரும் ஒரே பாடசாலையில் கற்றோம். இப்போது நான் இங்கு, இருவர் ஊரில் இருக்கிறார்கள். (ஒருவரது மகன் இங்கு என்னைப் பின்தொடர்கிறார்.) ஒருவர் காலமாகி ஒரு வருடம் ஆகிவிட்டது.