கெட்டுப்போன நுணல்!

சென்ற வருடம் கார்த்திகை மாதம், ஒரு பரீட்சார்த்த முயற்சியாக இவரைச் செய்தேன்.
முதுகில் தெரியும் பிறை, என் பெருவிரல் நகம் பட்ட தழும்பு. நுணலாரின் நகங்களுக்கு edible gold paint பயன்படுத்தினேன். கண்ணின் மத்திக்கு சின்னச் சின்ன வெள்ளை மிட்டாய்கள் வைத்தேன்.

சந்தோஷமாக உலர வைத்துவிட்டு தூங்கப் போனேன். காலையில் கையில் எடுக்க இரண்டு விரல்களும் மேலும் ஒரு நகமும் உடைந்து வந்தது.

பாடம் - நுணுக்கமான சிறிய வடிவங்கள் உலரும் போது உடைந்துதான் போகும். தேவைப்படும் வடிவத்தை ஒன்றுக்கு இரண்டாகச் செய்து வைக்க வேண்டும்.

இது என் தேவைக்குச் சற்றுப் பெரிதாக இருக்கும் என்று புத்தி சொன்னது. ஆனாலும்,  நுணலை என் வாயால் கெடுக்க விரும்பவில்லை. நான்கைந்து தேக்கரண்டி சீனிக்கு மேல் இருக்கும்; நிறம் வேறு கடுமையாக இருந்தது. என் வாயால் என் ஆரோக்கியத்தைக் கெடுப்பானேன்! எறும்புகளுக்குத் தீனியாக, தோட்டச் செடிகளின் கீழ் வைத்துவிட்டேன்.

ஒரு கேக்குக்காகச் செய்த நுணல் இது.