நான் வரைந்த ஓவியமே! - 2

 
நேற்று இவ்வளவுதான் நடந்து இருக்கிறது. ;(

கிடைக்கும் நாற்பது நிமிட இடைவேளையில் மாணவர்களைப் 'பாக் அப்' பண்ண வைத்து, உணவுக்கு முன் செபம் சொல்ல வைத்து வெளியேற்றி விட்டு ஏனைய ஆசிரியர்களுக்கு முன்னால் சமையல் இடத்தை அடைந்து ப்ரிஜ்ஜில் இருக்கிற மதிய போசனத்தை மைக்ரோவேவில் சுட வைத்து அவசரமாக ஒரு கரண்டியையும் தூக்கிக் கொண்டு 21 வது அறையை அடைந்து மேலே ஒரு கோர்ட்டை மாட்டி (அது இல்லாமல் வரப்படாது என்று ஆர்டர் இருக்கிறது)  பிரஷ்ஷைக் கையில் எடுக்கையில் பாதி பாதி இடைவேளை முடிந்திருந்தது. 

இமா எப்போதும் ஸ்பீட். அதனால் எனக்கு மட்டும் மற்றவர்கள் போல் அல்லாது பெல் அடிக்கையில் தட்டில் பாதிப் பெய்ன்ட் மீதம் இருந்தது. முன்னாலேயே ரூத் எல்லோரையும் பாக் அப் பண்ண ஆரம்பித்து விட்டார். அடுத்து அதே வகுப்பில் அவருக்கு மாத்ஸ் எடுக்க இருந்தது.எனக்கும் வகுப்பு இருந்ததே. சரி, மீதியை அடுத்த வகுப்பில் பார்த்துக் கொள்ளலாம் என்று நானும் கிளம்பி விட்டேன்.