அத்திக்காய் காய் காய்..

அத்திக்காய்.. காய்.. காய்.

ஆலங்காய் வெண்ணிலவே!

வெண்ணிலவைப் பற்றி முன்பே இடுகை போட்டாயிற்று.
இது அத்திக்காய்.
நியூசிலாந்து வந்த முதல் வருடம், நான் தங்கி இருந்த வீட்டின் சமையலறை வெளி மூலையில் இப்படி ஒரு தாவரம் வளர்ந்து நின்றது.
என்னவென்றே தெரியாத அதன் கனிகளை சிட்டுக்கள் வந்து கொத்தித் தின்னும். மரம் பூத்துக் கண்டதில்லை. (அத்தி பூத்தாற் போல என்பார்கள் இல்லையா!)
மரம் நிறைந்த காய்களும் சிட்டுக்களுக்குத் தான். எங்களுக்குத் தான் அது என்னவென்றே தெரியவில்லையே.

ஒரு முறை ஒரு பழத்தை வெட்டிப் பார்த்தேன். உள்ளே சதைப் பகுதி அழகான நாவற்சிவப்பு வண்ணத்தில் இருந்தது.

வெகுகாலத்தின் பின்புதான் அவை அத்திப் பழங்கள் என்பது தெரிய வந்தது. என் முதிர்தோழி ஒருவர் ஃபிக் & ஃபிஜோவா ஜாம் செய்து கொடுப்பார். சுவையாக இருக்கும்.

இது Hamilton Gardens ல் எடுத்த படம்.