குக்கீஸுக்கு என்ன ஆச்சு!

அதிராவுக்காக ஒரு பதிவு

பொங்கலுக்கு முதல்நாள், அதுதான் சில்வர் ஷார்க் காலமான தினம் வெதுப்பிய ஒரேஞ் ஃப்ளேவர்ட் கேக் இது. என்னை எதிர்பார்க்காமல் நன்றாக வந்திருந்தது.

அப்போ இருந்த சோகத்தில் எதையும் ரசிக்க முடியவில்லை. ;(

வடை - எங்கள் வீட்டாருக்கு இப்படித்தான் பிடிக்கும், நல்ல முறுகலாக வரவேண்டும். இதற்காகவே குட்டிக் குட்டியாய்ப் போட்டுப் பொரிப்பேன்.

'குக்கீஸுக்கு என்ன ஆச்சு இமா?' என்று அதிரா கேட்டிருந்தார். அன்று 'அவனை' அணைத்து விட்டு வேலையைத் தொடரப் போய் விட்டேன். திரும்பி வந்து பார்க்கையில் அடியில் மிகக் கொஞ்சமாகத் தீய்ந்திருந்தது.  சற்று நேரம் கழித்து பின்னால் இருந்து 'இது எங்களுக்கா?' என்று ஒரு குரல் கேட்கவும் வேலை மும்முரத்தில் 'ம்' சொல்லி விட்டேன். நான் திரும்பிப் பார்க்கையில் தீர்ந்திருந்தது. :)

சுவை நன்றாக இருந்தது. மீண்டும் செய்ய வேண்டும். குறிப்புக் கொடுத்த தோழிக்கு நன்றி. :)